harpa_passamynd.jpg

PASSAMYNDIR

Vantar þig passamynd, við erum með opið alla virka daga á milli 10:00-17:00. Bjallaðu í okkur í 568-0150 eða sendu okkur tölvupóst á rut@rut.is og við finnum tíma sem hentar þér og tryggir að við getum tekið vel á móti þér í stúdíóinu okkar.

Ökuskírteini og/eða bankakort. Ódýrasti og fljótlegasti pakkinn. Við tökum nokkrar myndir og þú velur þér eina sem við vinnum og prentum út í sex eintökum. Þetta tekur aðeins nokkrar mínútur og þú getur hinkrað á meðan. Myndin sem þú velur eigum við svo alltaf í gagnabanka, þar sem þú getur sótt í hana hjá okkur aftur og aftur. Myndatakan og útprentin kostar 6.900 kr. Ef þú vilt fá myndina senda í tölvupósti, sendum við þér hana í góðri upplausn, unna bæði í lit og svarthvítu. Þá greiðir þú 11.700 kr. fyrir myndatökuna, vinnsluna og sendinguna á myndinni en 3.500 kr. fyrir útprentin.   

Íslenska vegabréfið. Myndatökum fyrir íslenska vegabréfið lúta ákveðnum reglum. Myndina þarf að senda beint frá ljósmyndara til viðkomandi sýslumanns á stafrænu formi. Umsækjandi vegabréfsins þarf að snúa beint fram og vera svipbrigðalaus. Á þeirri skrifstofu sýslumanns sem sækja á um vegabréf eru teknar myndir af viðkomandi fyrir kerfið þeirra en myndin sem við tökum fer í vegabréfið sjálft. Þetta kostar 6.000 kr. Engin útprentun er innifalin.

Erlend vegabréf eða vegabréfsáritanir. Mjög misjafnar kröfur eru gerðar til ljósmynda fyrir erlend vegabréf og vegabréfsáritanir. Við leggjum metnað okkar í að fylgast vel með og safna saman þeim upplýsingum sem eiga við hverju sinni. Engu að síður getur verið gott fyrir þig að kynna þér þær reglur sem eiga við þig og ferðalög þín. Í langflestum tilfellum þarf viðkomandi að snúa beint fram á hvítum bakgrunni, vera svipbrigðalaus og yfirleitt þarf að sjást vel í eyru og enni.
Myndataka og ein stafræn mynd send á viðkomandi kostar 6.000 kr. Myndataka og útprentun á mynd í réttri stærð kostar 6.900 kr. Myndataka þar sem við afhendum myndina bæði á prenti og á starfænu formi kostar 9.200 kr. 

Stafræn passamyndataka. Viltu eiga góðar myndir af þér sem þú getur gripið í fyrir ýmis tækifæri, t.d. í ferilskrá, sem prófílmynd á samskiptamiðlum og/eða bara til að eiga. Bjallaðu í okkur og fáðu tíma. Þú velur myndirnar, við vinnum þær og sendum þér í tölvupósti. Við geymum allar valdar myndir, svo ef þig vantar útprent eða fá þær sendar aftur, reddum við því. Myndatakan og ein stafræn mynd kostar 11.700 kr.

Starfsmannamyndir. Vantar fyrirtækinu þínu myndir af starfsfólkinu sínu? Hafðu samband og við gerum ykkur tilboð. Þið eruð velkomin til okkar í stúdíóið eða við komum til ykkar.